रमेश कार्की

चितवन । आज बिहान ११.३० बजेको समयमा चितवन जिल्लाको पुर्व पश्चिम महेन्द्र राजमार्ग अन्तर्गत टिकौली जंगलको बिच स्थित रत्ननगर १४ पारिजातचोक निवासी कृष्ण बहादुर तामाङको असामहिक निधन भएको कारण दाह संस्कारका लागि शव लिएर देवघाट जादै गरेको बोलेरो गाडीलाई बिपरित दिशाबाट अनियंत्रित भएर तीब्र गतिमा आएको अक्सफोर्ड कलेज गैंडाकोटको बसले ठक्कर दिदा बोलेरोमा सवार रहेका मृतकका छोराहरु र आफन्तहरू उछिट्टिर सडकको दायाबायाँ साइटमा तितरबितर भइ गम्भिर रुपले घाईते भएका हुन ।

अन्य ७ मोटरसाइकलमा सवार गरेका मलामीहरु समेत गरि झण्डै दुई दर्जन घाईते भएका थिए ।

घाइते मध्य ७ जनाको भरतपुर अस्पतालको आकस्मिक कक्षामा चिन्ताजनक अवस्थामा उपचार भैरहेको छ र अन्य घाइतेहरुको पनि विभिन्न अस्पतालमा उपचार भईरहेको जानकारी प्राप्त भएको छ घटनाको पुर्ण विवरण भने आउन बाकी रहेको छ ।