रमेश कार्की

चितवन ।  भरतपुर महानगरपालिका-१ का वडा अध्यक्ष केशब महर्जनले नेपालीहरुको नजिकिदै गरेको ठुला चाडपर्वहरुमा मूल्य वृद्धि गरेर व्यवसायी गर्ने बजारहरुमा कडाइका साथ अनुगमन गर्ने भएका छन् । दशै, तिहार र छठ्ठ पर्बहरुको अवसरमा बजारमा किनमेलको लागि बढ्ने घुइँचोलाई लक्ष्यित गरेर ब्यापारीहरुले ग्राहकहरुलाई मूल्य वृद्धि गरेर सरसामान बेचबिखन गर्ने गरेकोले त्यस्ता गतिविधिलाई रोक्ने र फुट्पाथ ब्यवस्थापन समेतलाई अत्यन्त कडाईका साथ हेरिने बताएका छन् । जुवातास, पट्का, आतिशबाजि जस्तो खतराजन्य चिजको बिक्री बितरण गर्ने माथी पनि प्रतिबन्ध गर्ने निर्णय गरेका छन् ।

व्यापारीहरुले कुनै पनि ग्राहकलाई किनमेल गर्दा ठगेको थाहा पाएमा ब्यापारीहरुलाई कानुनी कठघरामा तेर्साएर कार्वाही गर्ने समेत निर्णय लिएका छन् । अहिले देशको अर्थतन्त्रको भार केवल ब्यापारलाई मात्रै हैन हरेक एक नेपाली जनतालाई पनि परेको छ । बिगतका बर्षहरुमा भन्दा अहिले चाडपर्व नजिकिदै गर्दा पनि समान कपडा खरिद गर्ने ग्राहकहरुको भिड न्यून रहेको कुरा अध्यक्ष महर्जनले नेपाल युनिटी अनलाइन खबर सङ्ग राखेका छन् ।