✍अर्जुन सिंह अनुरागी 

आफ्नै नजिक ठानेर रिन दिएको हुँ तिमिले बुझेनौ
बिष हैन त्यो अमृत भनेर पिएको हुँ तिमिले बुझेनौ !!

लिने बेला हात पाउ जोडेको अहिले पनि याद छ
गुहार माग्दा च्यात्तिएको मन सिएको हुँ तिमिले बुझेनौ !!

लिन जान्नेहरुले दिन कहिल्यै जानेनन् बुझेर आज
सापटीको कुरा सुन्दा परै उभिएको हुँ तिमिले बुझेनौ !!

हेर्नुस् म कहिल्यै पनि कसैमाथी नरिसाउने मान्छे
आज मात्र पहिलो चोटि जङ्गिएको हुँ तिमीले बुझेनौ !!

सरल भाषामा अन्याय भयो तिमीलाई न्याय दिन
घाटी चिथोरेर साँवा फिर्ता लिएको हुँ तिमीले बुझेनौ !!